انا رجعت

وحشتونى اووووووووووووووووى

اووووووووى

طمونونى عليكم واحد واحد ... ده ان كنتم لسه فاكرينى يعنى

مشغوله اوى والله ومش عارفه اكتب حاجه

وكمان النت زى الزفت

************

فكيت الحسار عنى

وتراجعت عن الانسحاب علشان كده جيت اطمن عليكم لحد مالاقى حاجه اكتبها ان شاء الله

*************

بالنسبه لشكل المدونة ادعولى افضى اغيرو بقى .....

الى لقاء قريب ان شاء الله

بسمة انور

اخر الانباء

&أخر الانباء&

السلام عليكم حضرات الساده

بعد غياب للانسة بسمة انور دام بضعه ايام او اسبوع وبضع ايام .... اعادت حضرتها فيهم ترتيب افكارها وحياتها التى كانت قد اوشكت على الانهيار نتيجه لعده اسباب ورواسب من الماضى كادت ان تودى بحياتها نهائيا لولا انتم اسعافها فى الوقت المناسب .....

فقد قررت حضرتها ان تودعكم وتودع عالم التدوين وهذا بقرار لا رجعه فيه ....

وتعلن لكم عن مدى افتقادها لكم وكم ستفتقد فيكم من الاخوة الخيرة والصحبه الطيبه ..... وتصرح لسيادتكم عن حبها لكم فى الله التى لن تعوضها عنه شيئا ولكن هكذا هو حال الحياة فما من شئ يدوم ويبقى فيها على حال ولكن المحبه فى الله دائما تدوم مهما طال البعد

حضرات الساده الكرام ,قبل انصراف الانسة بسمة انور عن عالمك فهى تستسمحكم ان تتركوا لها كلمات قليله تعبر عن انطباعكم عنها تكون تلك هى كلماتكم الاخيرة فى عالمها البسيط تكون لها منكم تذكاراً دائما ان شاء الله....

وهكذا حضراتى الكرام تنتهى نشرتنا لهذا العالم .... متمنين لكم حياة سعيده واياماً رغدة واوقات طيبه فى رحاب طاعه الله مغلفة بعالم من الحب فى الله بلا شوائب .....

استودعكم الله الذى لا تضيع عنده امانه

بسمة انور

نهايه العالم+ تحديث صغنتوت+غياب مؤقت

تحد التحديــــــــــــــــــــــــث : اولا يعنى يااصحابى انا هغيب شويه صغيرين كده يعنى زى متقولو كده اجازة مرضيه ,هحاول والله متاخرش عليكم بس ادعولى بجد من قلوبكم

اما ثانيا بقى كل اللى جاوب الاسئله دى انشاء الله يجاوبها فى مدونتو ويبعتلى اللينك بعد اذنكم

وبس كده التحديث خلويص........ وهتوحشونى اوى يا اغلى اصحاب واعز اناس

-------------------------------------------

ازيـــــــــــكم ؟؟؟

كويسين؟؟؟؟ .......... طب الحمد لله يارب دايما كده

وانا قاعده كده مش لاقيه حاجه اكتبها جالى مسج فزبطته كده وعملته كام سؤال

قولت اشاركم فيه يعنى .......موافقين؟؟؟

طيب كويس ....بس الاجابه اجبارى وبامانه

لو عرفت ان بكرة هو نهايه العالم ....

هتقول لمين بحـــــبك ؟؟

هتقــول لمين بكرهــــك ؟؟؟

هتقول لمين سامــــحنــــى ؟؟؟

هتقول لمــين مش قادر اسامحك ؟؟؟

هتقول لمين سامحــــــتك ؟؟؟

هتعابتب ميـــــن ؟؟؟

هتبكى فى حضـــن مين؟؟؟

************************

بس كده هما دول هو طبعا المسج كان فيها 3 اسئله بس بس انا حبيت احط دول كمان

*********************

طبعا فى ناس عايزة تعرف اجاباتى ......

هقول لمين بحبك.... لبــابـــا

هقول لمين بكرهك.... موصلتش لسه لمرحله الكره بس هقولها لشخص اذانى واذى اهلى

هقول لمين سامحـــنى....هقولها لكل حد اذيته , لانى بجد والله عمرى ماتعمدت اذى حد اكيد لو اذيت فدة غصب عنى او من غير قصد منى

هقول سامحتك.... مش عارفه بصراحه , اصل اللى جرحونى كتير وجرحهم مش قادرة اسامح فيه

هعاتب .... العتاب للناس اللى بتحبهم , واللى جرحونى مبقاش ينفع احبهم علشان كده مش هينفع اعاتبهم , هعاتب نفســــــــى

هبكى فى حضن ..... ربــــنـــــــا

******************

بس كده خلاويص

منتظرة اجابتكم بقى فى مدوناتكم