اخبار من مصادر مسؤوله

السلام عليكم

لقد اعلن مصدر مسؤول وللأهميه القسوى عدم قدرته على البعد عن اصدقائه المحبوبين اوووووووى اوووووووووى

وبناءً عليه هقول انى مش هبعد عن التدوين تااااانى ابداااااااا

اصلى اكتشفت انى مش هقدر ابعد عنكم خاااااالث فقلت مش مشكله ادون جنب المذاكرة بس مش ههمل المذاكرة ان شاء الله

وحشتوووووووونى .....وحشتونى وحشتووووووووووووتىىىىىى (وردة اللى بتغنى مش انا )

كما اعلت احدى الجهات المختصة انه قد تم القضاء على هذا المرض الذى يسمى الحزن ويسرنا القول انه قد وافته المنيه ولأسباب لم يتم التعرف عليها بعد

وحين التعرف عليها سنوافيكم بالأخبار ............. ايها الراقضون تحت التراب لا تفيقوا (والله مش عارفة مين اللى بيغنى بس اكيد مش انا)

بصوا بقى مش هوقف تدوين ولا تقولى ثانويه عاميه ولا مفتحه بس اقدر اقول انى هوقف حزن هوقف وللابد

ليه بقى .....فده فى االبوست الجاى بإذن الله

وإلى اللقاء فى نشرة اخرى اخ قصدى بوست اخر

سلام مؤقت

ايوه سلام مؤقت

لانى مضطرة وغصب عنى فعلا انى اوقف تدوين .....ثانوىيه عامية بقى...... وطبعا بقيت مضطرة اذاكر غصب عنى والله على عينى وغير كدة ان والدى هيرجع من السفر بعد كام يوم فهيبقى صعب انى افتح بس هحاول اتابع المدونات على قدر الامكان

اوعوووووو تنسونى هعرف مين اللى نسينى ...... ادعولى بقى ربنا يعديها على خير اخلص من الثانويه دى....ومش هنسى ابقى اسيب بوست كدة كل فترة

هتوحشوووووووووووووووونى ........ سلااااااااام مؤقت

سلام مؤقت

happy valentin

كل سنة وانتم طيبين معلش قولتها متاخر ,اليوم دة طبعا كلنا بنقضيه مع اللى بنحبهم ,انا بقى اول مرة السنادى اقديه مع اللى بحبهم بجد ...قضيته مع مها صحبتى وحبيبتى ,اصل انهاردة كان خطوبة مى اختها يعنى اختى الكبيرة وفضلنا سهرانين لحد الصبح . عمرى ماكنت بسمع عن الفالنتين دة ولا كنت بعمله اى اعتبار انا كنت بس اشوف البنات شيلين اكياس حمرة وتروح بكيس وتيجى بكيس والدنيا بتبقى احمر ف احمر وكأنهم معصروين مع طمطماية , ياخراشى ع اللى شوفته انبارح ...كل اتنين مشيين مع بعض ودة شايل كيس وهى شايلة كيس .... ولا القاعه اللى كان فيها الحفلة كانت تلت تربعها احمر حاجة تتعب العين والله , حتى العربية اللى كنا فيها كانت حمرة بينها بتحتفل . المهم بقى ,انا عمرى ما وديت لحد هدية فى الفالنتين ولا حتى جالى هدايا بس السنادى مها حبيبتى جابتلى هدية حلوة وانا كمان بقالى شهر بعملها فى الهديه بس يرب تكون عجبتها .

كفايه كدة اصل انا شكلى كدة خدت دور برد من سهرة انبارح ,بس عايزة اقول حاجة :

1-مبرووووووووووك يا مى ويارب اشوفك ف الفستان الابيض

2- كل سنة وانتى معايا يا مها

3- هابى فالنتين لكل من احب ولكل اصحابى المدونين واتمنالكم ايام كلها حب ف حب

اسيبكم مع الصور بقى

االف مبرووووووووك يا مى

الدب الاحمر الحلو دة مها جبتهولى هدية الفالنتين

دى بقى هديتى انا لمها ...انا اللى عملاها بإيدى

دى ضهر هديتى لمها

ودى هديتى انا ليكم ولكل اصحاب اللى بحبهم فى المدونة وغيرها

HaPpY vAleNtIn'S DaY

حاجات الدنيا علمتهالى

المرادى هقول شوية حاجات اتعلمتهم فى سنتين اتعلمتهم من اقرب الناس ليا من غير ما يقصدة :
اتعلمت ما اتعلقش بحد زيادة علشان متجرحش اوى فى الفترة دى اتعلقت بناس كتير اولهم جدى الله يرحمه اتعلقت بيه ومات وسابنى ,وصحباتى اللى حبتهم اكتر من نفسى بعدوا عنى.
اتعلمت ما اثقش فى حد فى السنتين اللى عدوا كنت طيبة بهبل بهبل اوى كان سرى مع اى حد مكنش عندى اسرار وكانت النتيجة انى اتخدعت وحصلتلى مشاكل كتير من اقرب الناس ليا .
ومنستش الدنيا تعلمنى اعمل كل حاجة بنفسى وفكرتنى ان زمن الطيابة والحب راح من زماااااااان اهلى وقرايبى اللى كنت فكراهم بيحبونا لذاتنا ومستعدين يقفوا معانا فى اى محنة بانت حقيقتهم هما بيقربوا لنا علشان فلوسنا علشان بابا معندهوش الولد اللى هيسيبله كل حاجة كل واحد فيهم مستعد للحظة دى.
اتعلمت كمان انى ماسلمش دماغى لحد واتعب واجتهد علشان نفسى ,اعتمد على نفسى مااستناش حد يعملى حاجة
ودة اللى اتعلمته فى سنتين لا اثق باحد , لا يزيد تعلقى باحد,اعتمد على نفسى ,لا انتظر مساعده احدهم .........ولسه يا ما هنتعلم

هل سالقاه؟

جلست قرب الشباك

اردد طيب ذكراك

ذاب قلبى من الاشتياق

واشتكت روحى من الفراق

اتمنى لو عادت لك اللحظات

اللحظات التى فيها من النظرات

ما يحرك السكنات

لايهم ان كنت قد جرحنتى

لايهم ان كنت قد نسيتنى

فانا لن انساك

فمتى اللقاء؟!