ياسعدك يا مصر بحكومتك

السلامو عليكو

شوفتو الهنا اللى احنا فيه شوفتو فرحتنا بحكومتنا اللى زى العسل النحل ..الحكومة اللى بتحب شعبها ولاتقدرش تزعلهم ابدا....اومال ايه اصل احنا دول فى منتى الديمقراطيه ......مفيناش وزارة ولا عضو فى حكومة يعمل حاجه من غير مايخد راى الشعب والشعب يقول امين موافقين ...عارفين لو واحد فى الشعب قال لاء معترض بيلغوا القرار نهائى .....ايوة طبعا ...شايفه ناس لسه مش مقتنعه بتاتاً بكلامى ....هقنعكم انا

بصو شوفتوا عمركم دوله مبتسرقش شعبها ... اكيد احنا طبعا ؟ شوفتو دوله عمرها ما ختمت على قفا ناسها ....ايوووووة يا جدعان احنا الشعب الرائد على مستوى العالم اللى ماتختمش على قفاه...طب عمركم شوفتوا حكومة فاضيه ومخلصه كل اللى عليها زى حكومتنا ....ايوة فاضيه جداااا لدرجه انها بتلعب مع شعبها ...اهو تتسلى وتسلى الناس المكبوتة... بتشيل فى قرارات وتحط فى قرارات وكووووووول ده عشان خاطر شعبها الفاضل طبعا

ياشيخ بلا هم جتكو داهيه فقرتونا بمخاخكو العيانة دى ....

كنا بنتسرق من ورا ظهرنا وعملنا نفسنا عبط .... وكان بيضحك علينا من غير ما ناخد بالنا ونستعبط ونقول دة بيضحكولنا ....لكن نتسرق عينى عينك كده وعلى الملأ ولا يبقلناش قيمة ابدا كده ويعملونا زى الكورة الشراب اهو دة اللى مش ممكن ....

حكومة تغم جتكوا القرف ... داهيه تحرق دمكم...

انا مكنتش فاهمة الحكايه ايه بالزبط بس لما دخلت مدونة كاريكا طظ قدراً قرأت وفهمت وياريتنى ما فهمت دى مصيبة والله مصيبه ياريت اللى مزرش المدونة دى يزرها واللينك موجود اهو يفهم ويعمل بالحلول اللى قالها الاستاذ اشرف ودة كمان لينك كويس هيفدينا نفهم اكتر

شوفتوا بقى حكومة فاضيه زى حكومتنا ....شوفتوا حكومة ديمقراطيه زى حكومتنا .... مش قولتلكم عسل نحل يا اخواتشى.....

علق من هنــا

ياربى تعبت

السلام عليكم

وحشتونى جدا جدا جدا

وشكرا جدا لكل اللى سأل عنى وشكرا برضو للى مسألش

الحمد لله الامتحانات كويسة بس محتاجه دعائكم اوى ...انا جيت اطمن عليكم وافضفض شويه لانى عندى كبت هيقتلنى وضغط هيموتى وحزن هيدفنى بالحيا

يعنى مضطربه نفسيا ,وصحيا وجتماعيا وعاطفيا طبعا...... من ضغط الامتحانات ومن مشاكل تانيه خاصه بيا وكل ما اخلص من حاجه تجيلى حاجه انيل منها "يارب عفوك وسترك" وكل ده كوم واصحابى فى الثانوى كوم تانى خالص .... مش قادرة اتخيل ان بعد اسبوعين الله اعلم هشوفهم تانى ولا لاء ... ومن فيهم هتفضبل فكرانى ومن فيهم هتنسانى ....ومها انتيمتى هتبقى معايا ولا لاء كل ما بتخيل انها ممكن متكونش معايا فى نفس الكليه بتصدم اوى بقالنا 7 سنين اصحاب وتيجى الهبابه الثانوى تفرقنا ((يارب ماتحصلش ابدا))

بجد مخنوقه جدا ..... وهموت واعيط بس لما بعيط بتعب وبتنيل ومش هعرف اركز فى الانتقمات الزفت دى .... يلا هانت كلها اسبوعين وهخلص وافضى للعيط بقى وهعيط كتيييييييير <ههههههههه>

ومبروووووووووووووووووووووووك كبيرو اووووووووووووووى لدودى عاشقه الرومانسيه بجد بجد فرحتلها اوى

وتروحى وترجعى بالسلامة يا ليدى يا قمر ويارب النت يبقى تمام التمام فى عمان عشان متتاخريش علينا.....

_______________________

يارب عديها على خير .... هتوحشونى لحد مارجع انا بس جيت اطمن عليكم وافضفض فى مدونتى حبيبتى اللى وحشتنى موووووت

اللى اللقاء اصدقائى

إستفتــــــــــاء

وحشتونى كلكم اوووووى اوووووووووى

انا جيت اطمأن عليكم واطلب منكم طلب صغنن

انا عايزة اعرف أرائكم فيا بصدق وبصراحه تامة وبدون اى مجاملات لان بناءً عليه بعد امتحاناتى هتخذ قرار وانتم وحدكم اللى تقدروا تساعدونى فيه سواء بالإيجاب او بالسلب

س/ انتم شايفين ازاى ؟؟

س/ انتم شايفين مدونتى والكلام اللى فيها ده ايه؟ هيافات ولا اى كلام وخلاص ؟؟؟

س/ بتدعولى ولا لأأأأأ؟؟؟

بجد محتاجه لدعائكم انا مدمرة تماماً واعصابى باظة ونفسيا منهارة

محتاجه لدعائكم بجد

---------------------------

ياريت تجاوبونى على الاسئله دى بكل صراحه وصدق...........

هااااانت والله هانت

السلام عليكم .....ازيكم يا اصحابى ....

انا جيت انهارده عشان اكتب اخر بوست ليا لحد ما اخلص امتحانات ...جدول الامتحانات نزل يا ناااااس امتحاناتى13/6 ادعولى يا بشر

المهم بقى انا داخله اوصيكم على المدونة وعلى البنآدمين والارواح اللى هسيبهالكم هنا دى امانه لحد ما ارجع وانا هحاول ابقى اطمن عليكم كده عشان انا عارفه متقدروش تتحرموا منى كتير

وخلوا بالكم من العيال اوعوا حد فيهم ينزل الشارع لحسن يخبطه توكتك ولا فرخه تعطس فى وشه والانفلونزا الطوير ولا الخنازير دى تطوله .....

بصوا من الاخر كده هتوحشونى بس وربنا اللى مش هيدعيلى لهيشوف منى معامله تنسيه نفسه بس هه.........وهخلى جاميكا واخواته يتلموا عليه ويدمدموووووه-ادعواااااااااااااا-

والمصروف انا سيباهلكم تحت المرتبه ابقوا خلوا بالكم منه اوعوا تصرفوا منه حاجه انا قولت اهو ابقى الاقيه ناقص.............

يلا بقى هتوحشونى وربنا يسهل واخلص بقى من الهبابه دى ويوم 6/7 ان شاء الله هرجعلكم بالحلو كله

ومش هاسيبكم تانى بقى إلا يوم النتيجه وبعدها بشويه عشان محدش يسالنى عليها .....

سلام يا بنآآآآآآآدمييييييييييين__ادعووووووووولى__

سلام مؤقت

ايوه سلام مؤقت

لانى مضطرة وغصب عنى فعلا انى اوقف تدوين .....ثانوىيه عامية بقى...... وطبعا بقيت مضطرة اذاكر غصب عنى والله على عينى وغير كدة ان والدى هيرجع من السفر بعد كام يوم فهيبقى صعب انى افتح بس هحاول اتابع المدونات على قدر الامكان

اوعوووووو تنسونى هعرف مين اللى نسينى ...... ادعولى بقى ربنا يعديها على خير اخلص من الثانويه دى....ومش هنسى ابقى اسيب بوست كدة كل فترة

هتوحشوووووووووووووووونى ........ سلااااااااام مؤقت

حاجات الدنيا علمتهالى

المرادى هقول شوية حاجات اتعلمتهم فى سنتين اتعلمتهم من اقرب الناس ليا من غير ما يقصدة :
اتعلمت ما اتعلقش بحد زيادة علشان متجرحش اوى فى الفترة دى اتعلقت بناس كتير اولهم جدى الله يرحمه اتعلقت بيه ومات وسابنى ,وصحباتى اللى حبتهم اكتر من نفسى بعدوا عنى.
اتعلمت ما اثقش فى حد فى السنتين اللى عدوا كنت طيبة بهبل بهبل اوى كان سرى مع اى حد مكنش عندى اسرار وكانت النتيجة انى اتخدعت وحصلتلى مشاكل كتير من اقرب الناس ليا .
ومنستش الدنيا تعلمنى اعمل كل حاجة بنفسى وفكرتنى ان زمن الطيابة والحب راح من زماااااااان اهلى وقرايبى اللى كنت فكراهم بيحبونا لذاتنا ومستعدين يقفوا معانا فى اى محنة بانت حقيقتهم هما بيقربوا لنا علشان فلوسنا علشان بابا معندهوش الولد اللى هيسيبله كل حاجة كل واحد فيهم مستعد للحظة دى.
اتعلمت كمان انى ماسلمش دماغى لحد واتعب واجتهد علشان نفسى ,اعتمد على نفسى مااستناش حد يعملى حاجة
ودة اللى اتعلمته فى سنتين لا اثق باحد , لا يزيد تعلقى باحد,اعتمد على نفسى ,لا انتظر مساعده احدهم .........ولسه يا ما هنتعلم