تحد.jpg)
التحديــــــــــــــــــــــــث : اولا يعنى يااصحابى انا هغيب شويه صغيرين كده يعنى زى متقولو كده اجازة مرضيه ,هحاول والله متاخرش عليكم بس ادعولى بجد من قلوبكم
.jpg)
التحديــــــــــــــــــــــــث : اولا يعنى يااصحابى انا هغيب شويه صغيرين كده يعنى زى متقولو كده اجازة مرضيه ,هحاول والله متاخرش عليكم بس ادعولى بجد من قلوبكم اما ثانيا بقى كل اللى جاوب الاسئله دى انشاء الله يجاوبها فى مدونتو ويبعتلى اللينك بعد اذنكم
وبس كده التحديث خلويص........ وهتوحشونى اوى يا اغلى اصحاب واعز اناس
-------------------------------------------
ازيـــــــــــكم ؟؟؟
كويسين؟؟؟؟ .......... طب الحمد لله يارب دايما كده
وانا قاعده كده مش لاقيه حاجه اكتبها جالى مسج فزبطته كده وعملته كام سؤال
قولت اشاركم فيه يعنى .......موافقين؟؟؟
طيب كويس ....بس الاجابه اجبارى وبامانه
لو عرفت ان بكرة هو نهايه العالم ....
هتقول لمين بحـــــبك ؟؟
هتقــول لمين بكرهــــك ؟؟؟
هتقول لمين سامــــحنــــى ؟؟؟
هتقول لمــين مش قادر اسامحك ؟؟؟
هتقول لمين سامحــــــتك ؟؟؟
هتعابتب ميـــــن ؟؟؟
هتبكى فى حضـــن مين؟؟؟
************************
بس كده هما دول هو طبعا المسج كان فيها 3 اسئله بس بس انا حبيت احط دول كمان
*********************
طبعا فى ناس عايزة تعرف اجاباتى ......
هقول لمين بحبك.... لبــابـــا
هقول لمين بكرهك.... موصلتش لسه لمرحله الكره بس هقولها لشخص اذانى واذى اهلى
هقول لمين سامحـــنى....هقولها لكل حد اذيته , لانى بجد والله عمرى ماتعمدت اذى حد اكيد لو اذيت فدة غصب عنى او من غير قصد منى
هقول سامحتك.... مش عارفه بصراحه , اصل اللى جرحونى كتير وجرحهم مش قادرة اسامح فيه
هعاتب .... العتاب للناس اللى بتحبهم , واللى جرحونى مبقاش ينفع احبهم علشان كده مش هينفع اعاتبهم , هعاتب نفســــــــى
هبكى فى حضن ..... ربــــنـــــــا
******************
بس كده خلاويص
منتظرة اجابتكم بقى فى مدوناتكم
.jpg)
.jfif)
.jpg)
23 التعليقات:
ازيك يابسمة اخبارك ايه واخبار المذاكرة يارب دايما بخير كده
بصراحة مقدرتش ارد على الاسئلة هى يمكن قليلين وصغيرين بس محتاجين اجابة طويلة شوية :)
موضوع جميل بجد يا بسوم بس فعلا الاجابات تحير بس الاجابة الوحيدة ايلي عندي هقول لماما تسامحني عشان انا بزعلها كتير بس من غير ماقصد تابعي يا بسوم بجد مدونة جميلة تقبلي مروري
اسمحيلى اجاوب هنا
هتقول لمين بحـــــبك ؟؟ لحد بحبه
هتقــول لمين بكرهــــك ؟؟؟ يمكن اقولها فى سرى بس مش هقولها بصوت عالى لان مبحبش اضايق حد بيها بس لو قلتها هيكون لحد مضايقنى لدرجة انى مش قادرة اعيش طبيعى ولا قادرة انسى بسهولة كل اللى عمله معايا
هتقول لمين سامــــحنــــى ؟؟؟ لحد اذيته او ضايقته
هتقول لمــين مش قادر اسامحك ؟؟؟ لحد مش قادرة انسى اللى عمله فيا بس مع الوقت برده هسامح
هتقول لمين سامحــــــتك ؟؟؟ لحد اذانى
هتعابتب ميـــــن ؟؟؟ مش هعاتب حد
هتبكى فى حضـــن مين؟؟؟ حبيبى بس هو مش موجود دلوقتى لما يجى بقى
بسمه
جميله الاسئله قوي .
وفعلاً محتاجه لتفكير عميق .
لكن عموماً لو عرفت ان بكره نهايه العالم هبكي بين ايدين ربنا واتمنى يغفر لي ذنوبي وهحاول اموت على فعل خير .
تقبلي مروري الاول
محمد البنا
طريق النجاح
البوست فكرته حلوه فعلا هقول لاهلى بحبكم هش هقول لحد بكرهك مش هقول لاى حد غلط فى حقى ربنا يهديك هقول سامحنى لاى حد دست له على طرف واكيد كان غصب عنى مفيش غير حضن اصحابى بعد ربنا
البوست رائع
وانا لو عرفت ان بكره نهايه العالم مش هعمل حاجه غير انى ادعى لربنا انه يغفرلى ذنوبى ويسامحنى فى اى حاجه عملتها
ازيك ياقمر
البوست جميل اووى
والاسئله جميله
بس تعرفى انا بحب كل الناس ومش بعرف مش اسامح انا مسمحه كل اللى جرحنى
وبحب ربنا أووووووووووووووى
ربنا يحسن ختمتنا يارب
بسمة حبيبة قلبي ......
وحشتنا خالص يا قمرايا
و الاسئلة بجد جميلة اوي و خليتني استرجع شريط حياتي كلها
بس انا بجد هجاوبك على الحقيقة و الله و ربنا عالم باللي في قلبي
لو بكرة نهاية العالم ؟؟؟؟؟؟
هقول بحبك ... لجوزي حبيبي و بابا و ماما و اخواتي
بكرهك ... ما بعرفش اكره و لو حد جرحني و رجع قاللي ازيك بس او سال عليا من بعيد تلاقيني بترمي في حضنه
هقول سامحني .. لربنا الغفور الرحيم على حاجة عملتها في حياتي مش عارفة هي غلط و لا صح و ربنا يسامحنا كلنا ياي رب
مش قادرة اسامحك .. مش هقولها لاي حد لاني لو قلتلها يبقى هعرف اقف اتحاسب قدام رب العباد و انا في عرض حسنة
هقول سامحتك .. لكل اللي جرحوني و حسابهم عند ربنا لانه يمهل و لا يهمل
هعاتب .. نفسي و اعاتبها على حياتي ووقتي اللي ضيعته في غير طاعة الله
هبكي في حضن .. حبيبي و جوزي اللي بينسيني هموم الدنيا
شكرا يا بسمة و الله تعبتي قلبي يا شيخة
خالص حبي و تقديري
بحبك: مصر
بكرهك: ابوشلضومة ال كاتم علي نفسنا من 30 سنة
سامحني : ربنا
مش هقدر اسامحك: محدش
سامحتك: اي حد اغتابني
مش هعاتب حد... لاني متعدتش اعاتب حد
وبرصه مش هبكي
بس خلاص
هاه... النتيجة بتطلع امتي؟
السلام عليكم ورحمه الله وبركاته
الأخت العزيزة/ بسمه
بصراحه أنا سعيد جدآ بمرورى على مدونتك الجميله جدا وبأذن الله مش هتكون أخر مره
بصراحه أسألتك كانت مفاجأه ليا وخلتنى أفكر كتيييييير فى الأجابه
بس الحمد لله لقيت الأجابه
هقول بحبك...
لأنسانه عزيزة عليه والوحيده اللى حبتها كانت فى حياتى فى يوم من الأيام ومش قادر أنساها.
هقول بكرهك...
أكيد لحد عمرى فى حياتى ماحبيته لأنى لما بحب حد عمرى ما أعرف أكره حتى لو أساء ليه وجرحنى.
هقول سامحينى...
لربنا أولآ ثم لقلبى أنا ثم لنفس الأنسانه اللى حبتها والوحيده اللى ظلمتها وأتخليت عنه وجرحتها فى وقت كانت محتجانى قوووووى.
هقول مش هقدر أسامحك...
بقولها لكل شخص ظلمنى وأولهم أنا.
هقول سامحتك...
لحد مش هقدر اقول هو مين
هعاتب مين...
مش ععاتب حد لأنى متعوتش على العتاب.
هبكى فى حضن...
كان فيه زمان دلوقتى مش موجودة وبيتهيألى أنه مش هيبقى فيه حد بعد اللى حبتها.
ربنا يوفقك يابسمه والله العظيم مدونتك جميله جدا والبوست ده رائع وعلى قد ماهو تعبنى وفكرنى بزكريات جميله ومؤلمه لكن بوست رائع واستمتعت بيه جدا جدا جدا
تقديرى وأحترامى,,,
هعملها عندي ان شاء الله تعالي
النهارده بالليل هكون كاتبها
ان شاء الله ^_^
هتقول لمين بحـــــبك ؟؟
للي بحبها دلوقتي
هتقــول لمين بكرهــــك ؟؟؟
لاى حد حاول يعمل عليا مفتح و دوست علية بالجزمة
هتقول لمين سامــــحنــــى ؟؟؟
للي بحبها و للي قاست في يوم ليهم من غير ما اقصد او كانوا ضعاف مش اتحملوا القسوة
هتقول لمــين مش قادر اسامحك ؟؟؟
للزمن
هتقول لمين سامحــــــتك ؟؟؟
مبسمحش حد انا
هتعابتب ميـــــن ؟؟؟
محدش يستاهل انى اعاتبة
هتبكى فى حضـــن مين؟؟؟
صحبتي
حلو اوى البوست دة و بجد حاجة حلوة جدا و ربنا يكرم و يبقى اجاباتي مش تخوف حد
الف سلامه يابسومه متتاخريش كتير هتوحشينى..
اممممممممم نيجى للاساله اممممممم:
هتقول لمين بحـــــبك ؟؟
احم احم معروفه طبعا:)
هتقــول لمين بكرهــــك ؟؟؟
زمان كنت فى لحظات معينه كرهت ناس جرحتنى اوىىىى لانهم اتسببوا ليا فى وجع جامد اوى وكنت فعلا بحس انى بكرههم لكن مع مرور الوقت اكتشفت انى مبقتش بكرههم وانى نسيتهم ونسيت وجعهم.
علشان كده مش هقول انى بكره حد.
هتقول لمين سامــــحنــــى ؟؟؟
لاى حد زعلته غصب عنى او عملت حاجه زعلته واقوله انى عمرى مقصدت انى اضايق او ازعل حد.
هتقول لمــين مش قادر اسامحك ؟؟؟
ما انا قلتلك هسامح الناس كلها مش وقته خالص الكلام ده دحنا هنقابل ربنا:)
هتقول لمين سامحــــــتك ؟؟؟
لكل اللى وجعنى وجرحنى هقوله سامحتك من قلبى.
هتعاتب ميـــــن ؟؟؟
اللى غاليين عليا وبسسسسسسسسسس.
هتبكى فى حضـــن مين؟؟؟
مش من طبعى انى ابكى فى حضن حد او ابكى اصلا ادام حد.
الف سلامه عليكى يابسبوستى
ان شاء الله العووووو
عاجبتنى اوى اجابات الاخيرة
هبكى فى حضن ربنا!!!!!
الف سلامه عليكى يارب يتم شفائك على خير ويارب يسعدك يارب ومليوووووووووووووووون سلامه على احن اخت بالدنيا وياريت مش تغيبى عننا تانى ياقلبى
بحبك اووووووووووووووى
وربنا يتم شفائك على خيرررررررررررررررر
انا اول مرة ازور المدونة
بس بجد جميلة
تسلم ايدك
شكرا ليكي
تقبلي مروري
يا عيني عالاجابات
بس في سؤال مجاوبتيهوش
مش هتسامحي مين؟
نحن في حاجه الي رايك في مشاكل القراء علي مدونة "دقات قلب بعد الخمسين"
مش معايا شيكولاتة
لكن تقدرى تاخدى شيكلاتة من مدونتك الجميلة
على العموم حبيت اعبر عن رأيى فى مدونتك لكنى لم أجد كلمات لأصف جمالها ورقتها
ومن هنا اتقدم لك بدعوة للكتابة فى منتدى ملتقى الشعراء العرب
منتظر تسجيلك بالمنتدى أختى الغالية
http://amlmadfooon.alafdal.net/forum.htm
بسومة اقمر الف سلامة عليكى يا جميلة الاجابات حلوة والاسئلة مممممممم تحير اوى لانها عايزة اجابات لسنين جاية
بس تصورى عطتنى لحظات تأمل
هقول بحبك
لنااااااس كتير اوى لهم فضل عليا
هقول لمين بكرهك
مش عارفة تتصورى انا ممكن ازعل بس معرفش اكره
هقول سامحنى
اولا لنفسى لانى زعلت نفسى اوى منى وهقول لربنا سامحنى وهقول لاى انسان جرحته ومخدتش بالى
هقول لمين مش قادرة اسامحك
ازفت صفة فيا انى ممكن اسامح للمرة المليون والمرة المليون والواحد استحااااااااالة
بس بجد كذا حد مش هقدر اسامحهم لانهم خدوا فرصتهم
بقول لمين سامحتك
لاى حد جه عليا غصب عنه مش بارادته
هبكى فى حضن
بابا
بشكرك لانك عطتينا نقطة رجوع
تحياتى يابسبوسة
أنا معايا شيكولاتة المرة دى
ألف سلامة عليكى وترجعى بالسلامة ان شاء الله ومتغيبيش
هتقول لمين بحـــــبك ؟؟
أعتقد مافيش حد يستاهل الكلمه دى دلوقتى غير أمى
هتقــول لمين بكرهــــك ؟؟؟
لكل حد اتسبب فى جرحى وفى ألمى وفى يائسى وفى تعبى
هتقول لمين سامــــحنــــى ؟؟؟
مافيش حد لانى ما جرحتش حد
بس أقولها لربنا يارب سامحنى
هتقول لمــين مش قادر اسامحك ؟؟؟
لكل من جرحنى
هتقول لمين سامحــــــتك ؟؟؟
ولا حد ماحدش يستاهلها
هتعابتب ميـــــن ؟؟؟
ولا حد علشان اللى هاعتبه هيكون مهم عندى وانا ما اصبحش عندى حد مهم
هتبكى فى حضـــن مين؟؟؟
كان نفسى أبكى فى حضن حد بحبه
بس مش هبكى أبدآ
حلو اوى الكلام ده ها عمله بوست
إرسال تعليق