نفسى اقف على شط البحر

مش عارفه اقول ايه بصراحه

انا داخله ارغى وخلاص

الاول يعنى *كل سنة وانتم مسلمين*

وبعدين نصيحه منى لكل الناس اللى بحبهم ....

لما تتضايقوا متسكتوش ...طلعو اللى جواكم باى شكل صرخو عيطوا .......ولو حد جنبك وانت متغاظ منه مش مهم طلع ضيقك فيه

المهم يعنى متفضلوش مضايقين وساكتين .........اسالو مجرب

الاصل الحكايه بقى ايه ....... انى انا من و انا صغير علطووووووووول سااااااااكتة اضايق تلاقونى ساكتة ومش عارفه اعبر عن ده , ابقى فرحانة برضو ساكتة ومش بتكلم ولا بقدر اعبر عن ده

كنت زمان عندى اجنده كنت بكتب فيها شويه يعنى لما بزعل بس بطلت محستش انى برتاح اوم ايه بقى نتيجه للكبت والكبت وشويه الكبتات بتوع السنين اللى فاتت دى عملى حاجه كده معرفش اسمها ايه (((لاعارفه بس مش هقول ))) ظهرت بقى من كبته كبـــــــــيرة اوى فى الفترة اللى فاتت دى

المهم يعنى هى بسبب التوتر والنرفزة اللى من النوع المكبوت ده يعنى.....

وادينى قاعده اهو تعباااااااااااااااااااااااااااانة وحركتى زى الانسان الالى بالزبط

شوفتو بقى الزعل وحش ازاى ....علشان كده اللى يزعل يفك عن نفسه باى حاجه ...

سمعت مرة انو لما تبقى مضايق اوى ومش عارف تعمل ايه علشان تخرج من الحاله دى المفروض تنزل تتمشى الجسم بيفرز وقتها انزيمات بتزبط الضغط والحاجات دى وبتحد من التوتر وتخليك ترجع لحالتك الطبيعيه بسرعه ....

وده كمان فى حاله لما تكون مبسوط برضو بيمشى موضوع المشى ده ....

يلا ربنا يهدى اللى كان السبب .....

**نفسى دلوقتى اطلع على اى شط وامشى اتفرج على البحر وافضفضله ولا بلاش افضفضله ملهوش امان اصله وبعدين الدنيا تشتى عليا وانا واقفه على الشط والموج عمال يخبط فى رجلى ويمشى تانى وشكل الشمس حلو اوى وهى مروحه وبعدين الطاقيه بتاعى تطير اجرى وراها الحقها اروح اخبط فى حاجه جامد اوى ابص قدامى الاقيها صخرة كبيرة , اروح قايلة لنفسى احسن علشان تفوقى يا غبيــة**

كل سنة وانتم دايما بخير

سلامــــــو

عليـــكوووووو

حمقــــى

وحشتونى جداااااااااااااا

مش عارفه كل مابعمل تحديث للبوست مش بيظهر على الريدر عندى ولا عند حد كمان , مش عارفه فين المشكله ....

بس مش مهم هحاول احلها

...... واسفه لو كنت مقصرة معاكم بس بجد غصبى عنى حالتى الصحيه مش ولا بد ادعولى يكون خير ...ان شاء الله الله رايحه للدكتور انهارده .......

وشكرا بجد لكل اللى سأل عنى وربنا يخليكم ليا دايما

وكل سنة وانتى طيبه يا اخالتو ((صبرنى يارب)) معلش بقى جت متأخرة بس انتى هتعديهالى صح؟؟

اسيبكم مع البوست بقى

من الصعب ان تعتلى اعلم المكانات فى قلب احد ما .....

ومن الاصعب ان تظل محتفظا بتلك المكانه دائما وابدا....

فما بالك ان قدم لك شخصا كل السبل ومنحك اعلى القمم فى قلبه ؟؟؟

هل ستتهاون فى امر ذلك ؟؟؟

ام ستستميت لتظل انت وحدك صاحب هذه القمة؟؟؟

اعجب لهؤلاء الحمقى .... الحمقى اللذين تقدم لهم كل المنح لكى يظلو هم وحدهم اسير القلب , فأراهم يتهاونون فى امر ذلك ... ويعبثون بمنحتهم هذه .........

انهم فعلا حمقى ......

..فراشة زهرية.. ((تدوينة قديمة ))

اقف هناك قرب تلك الشجرة,اسمع صوت طيورها وحفيف اوراقها , اشتم عبير زهراتها...طامعةً فى بعضٍ من شموخها .

يروقونى منظر هذه الحيوانات والمخلوقات المرحة , فيا لحريه هذا السنجاب ورشاقه هذه الغزال , واهٍ لجمال تلك الفراشة.....

هناك اصنع اكليلاً من زهور تلك الغابه البديعه , فأجمع بعض من زهراتها النديه ,وألاحق فراشاتها الزهريه ,حتى اخذتنى الى بيت ليس بعيدا من هنا وهنا وقفت فجاة..... لا ادرى لما توقفت قدماى عنده , ولكنى وجدت نفسى اليه كما لو انه يخفى لى سرا , او كأنى اعرفه من قبل ....وإذا بباب هذا البيت الصغير يفتح وانا انظر بفضول ;لأعرف ماخلف هذا الباب.....

انه شخص ما...ينظر الىِ ...يبتسم لى ..إنه يقترب ...يحتضن يدى ...يتوجنى بإكليل الزهور -الذى صنعته-....ينظر لعيناى ,فابتسمت وسالته "من انت يا هذا؟" ؟

فاجاب وهو مايزال محتضنا يدى "انا امير احلامك يا اميرتى ,وإن اردتى فانا عبدك يا مولاتى"....

نظرت لعينيه باستحياء قائله: "كيف هذا ؟ "

, فأجاب :"انتى ملكه قلبى ومالكه امرى ,فاسمحى لى سيدتى ان امتلك مفاتيح عروش قلبك....."

فاملت براسى خجلاً....جاءت ريح هادئه حركت خصال شعرى على خدى الخجلان ,فاغمضت جفنى وفتحته لاجدنى كنت فى حلم ...إنه حلم ..وجدت نفسى ملقاه بين زهراتى التى جمعت ,بين يدى اكليلى الذى صنعت, وتداعب وجنتى فراشة زهريه ...طارت فراشتى فطرت خلفها وانا احمل الاكليل بين يدى ,لتقف قدماى امام كوخ خشبى ,فاقف عنده واتذكر حلمى واتأمل ,فإذا بالباب يفتح .......

فهل سيتحقق الحلم؟؟

بسمة انور

مكانك (فى قلبى )) هو القبو

افاقت من نومها على واقع كانت قد تنبأت به ....

ارادت ان تظل نائمة لكى لا تواجه هذا الواقع , لكنها لم تعتد الهروب.....

قامت من ثباتها لتتخلص الى الابد من قيود الماضى ,

ذهبت الى خزانتها لتحضر زينتها فالتقطت يداها صورة له فنظرت لها دون ادنى مبالاة ومزقتها وانصرفت عنها ....

ذهبت الى مرآتها وبدأت تتزين لتكون فى حلتها الطبيعيه التى اعتادتها ,

واخدت المقص لتقص خصلات من شعرها وهى تشعر انها تقص الماضى وتزيله تماماً عنها .....

همت لتنصرف من امام المرآة الى عالمها الجديد

, فنظرت اليها

وقالت:" اليك يامن كنت حبيبى استطعت ان تعتلى قمة الهرم فى قلبى ولكن الآن مكانك هو القبو ...."

وابتسمت ابتسامة تنم عن رضاها وسعادتها بما حدث ....

وذهبت بلا رجعه الى عالم بحياة جديده تمرد بها على هذا العالم القاسى ....

كل سنةوانتم دايما مبسوطين

كــــل سـنـــة وانـــتم دايــمــاً طـيــبـين ....

وبالحب دايــمـا مبـســوطــيـن ... وتكون حــياتكم دايـمــا بالحب مليانة ودفيانة ....

بس ســؤال صغنن بس ....ليه بقى الحب اقل بكتير من احساسنا بيه ؟؟؟؟؟

هو العيب فينا ولا فى الدنيا ولا فى الحب نفسه ؟؟؟؟

اصلك لما تحب اوى وتدى للى بتحبه احلى معانى الحب ... وفجأة تلاقيه بيفوقك على كدبة كبـــــــــــــــــيـــــــرة

يبقى العيب فمين ؟؟؟

ماعلينا بلاها نكد

&HPpY vALaNTIen DaY &

...لك...

بعدد كلمات الحب ..بحبك

بعدد نظرات العشق....بحبك

بعدد همسات الغرام .......بحبك

بكل ما يحمل الحب من معانٍ....بحبك

بعدد غيابات الشمس وظهور القمر..بحبك

ومهما غاب عنى القمر فلن يغين عنى حــبك

ومهما نسجت من الكلمات فأنا عاجزة عن وصف حبك

بـــــحـــــبـــكـــ

ازيكم بالنيولوك الجديد ....

كيف حالكم والزمان شرم برم......

وحشتووووونى جدا جدا كتيير.....

وانا كمان وحشتنى اوووووووووى ....وحشتنى بسمة بتاع زمان اوى , وحشنى ارجع معاكم زى مابدأت معاكم

بناء لحاجات كتير اوى حصلتلى السنة دى وحاجات تانيه كتير برضو فرحتنى واحيانا كتير نكدت عليا عيشتى وحجات تانيه برضو وكتير اوى برضو غيرتنى تمااااااااااما

بدأت اتعب من نفسى اوووووى , فعلشان ماانخسرش بعض انا وهيا قررت اعدل نفسى واتعدل وارجع زى الاول احسن

وبس كده ادعولنا (انا ونفسى يعنى)) منتخاصمش تانى ونرجع زى الاول ادعولى

بما انى قد اقترحت عليكم واستفتيكم فى اسم مدونتى اللى هو ((حكاياتى)) وبين اسمها القديم اللى هو ((بكرة ممكن يكون الامل)) وحصدت نتيجه الاستفتاء انكم اجمعتم على ((بكرة ممكن يكون الامل)) .......

وبما انى ديمقراطيه جدا وماخاب من استشار فانا قررت اسمى المدونة ((بســـ امل ـــمة ))......

ايه رايكم ؟؟؟؟

ايه رايكم فى شكل المدونة الجديد بقى؟؟؟؟

بحتاجــ لوجودكــ

إذا اردت ان تكون فى قلب من تحب , فلتشعره انك دائماً بجانبه ........

اجعله يشعر بوجودك معه حين يريدك ان تكون مأواه........

لاتبخل عليه بالقليل حتى لا تفقد منه الكثير.......