احلى هديه...تاج!!!

هدية تحفه جاتنى من انسانة تحفه ايمان بجد متوقعتش ان يجينى تاج من حد بس يله الحمد لله ونبدء اسئله اول تاج لمدونتى الصغنتته

ربنا يستر

بسم الله......

اسمك؟

بسمة انور...( غنيه عن التعريف طبعا)

المشهورة بيه وسط اصحابك؟

جدو الله يرحمه كان بيقولى بسومة .....بس حاليا اصحابى بيقولولى بسبوسه.....بس مها صحبتى بقى بتقول (أورنى)هههههههه .... وفى احيانا ناس بتقولى (توتا)...

سنك؟

انا بقى 16سنة ,و6شهور,و19 يوم ...... (صغننه صح؟)

إسم مدونتك؟

انا عندى مدونتين كنت الاول مسمياهم [الغد آت,وبكرة ممكن يكون الامل]بس حاليا وبناءً على تغيرات فى حياتى وطبعا فى فى تفكيرى سمتهم[بسمتى,وغدى بيدى]

مجال دراستك؟

انا طالبه ثانوى ادبى....وانشاء الله عايزة اكمل فى علم نفس انشاء الله

الصورة الرمزيه لمدونتك بتعبر عن ايه؟

بحبها اوى الصورة دى بحس فيها برائه جميلة اوى ..... يعنى رقيقه اااوى كانها انا بالزبط هههههههههه

هل فكرت فى اغلاق مدونتك؟والسبب؟

بصراحه اه كنت عايزة ابعد عشان اعيد حساباتى ولما الضغط زاد عليا قررت اقفلها .....بس الحمد لله حصل خير ومقفلتهاش

ايه رد فعلك لو حد قل ادبه عليك فى التعليق ؟

هو الحمد لله لسة موصلتش لدرجه قله الادب ....بس فى مرة جانى تعليق مستفز شويه والحمد لله عرفت ارد عله بدون قلة ادب

اسوء مدونة؟

والله فى مرات كده اتكعبلت فى مدونات تقرف ....هو يعنى قرف بانواعه فيها اللى كلامها خارج وفيها اللى موضوعاتها تافهة وكده يعنى

هيحصل ايه للايميل بتاعك بعد متموت؟

أموت؟؟...بعد الشر عليا دة انا لسه صغيوووورة

بس يعنى لو ربنا قصر فى عمرى اكيد طبعا محدش هيفتحه وهيتملى رسايل واضافات وحاجات كتير ...وطبعا ناس كتير هتسال عليا

اديت الباسورد بتاعك لحد قبل كده...؟

انا عندى ايميلات كتيرة اديت لمها صحبتى باسورد ايميلين منهم بس لما احتجت الاميلين غيرت الباسوردات بتاعهم بس لما اموت هيعرف بسورداتى اللى هيفتح اجندتى ويقرئها .....(اوعوا حد يعملها وانا عايشة)

السفر بالنسبة ليك....؟

انا بعشق السفر وخصوصا انى من صغرى متعودة على الصفر بحب امشى اوى وسط االجبال وفى البحر يعنى السفر البرى والبحرى عامة

المود بتاعك....؟

انا بقى متقلبة الاحوال يعنى ببقى مضايقه وفجأة تلاقينى بضحك ...وكتير ببقى مضايقه وبضحك عشان مش بحب حد يشوفنى مضايقه وساعات بتطلب معايا غلاسة ورخامه وافضل اضحك ع الفاضيه والمليانة....وحاجات كتير جوايا متناقضات كتيرة اوى

بتعمل ايه فى وقت فراغك؟

طبعا بفتح مدونتى وبفضل قدامها بالساعات .... واحيانا بخرج مع صحباتى وممكن اسمع اغانى وانا برسم (مزاج بقى)

الاكله المفضلة؟

ياااااااااه ...الاكل ده اخر حاجه بفكر فيها

بس بحب البطاطس جدا بكل انواعها .....وبحب لسان العصفور اوى ....وبحب المشويات

وبحب الشكولاته جداااااااااا

وبموت فى الاكل التيكاوى

الصفات التى ورثتها من والدك؟

بابا دة حبيب قلبى ورثه منه....العند,والعصبية, ودماغه الناشفه (فى الصح طبعا)لما بيزعل من حد ممكن يفضل مقاطعه كتير بس قلبه طيب والله وكمان احترام الناس والاعتزاز بالنفس وتحمله للمسؤوليه

الصفات التى ورثتها عن والدتك؟

مامتى دى بقى سكرة خدت منها..... نفسها الحلو فى الطبيخ ,حرصها الزيادة ,التوفير ,والعصبية ,وترددها الدائم فى اتخاذ القرارات بس فى الاخر بتبقى صح

اكتر ست حاجات بتكرهها؟

االكدب

وانى اكون اشتغاله او سيرة حد يتسلى بيها

ان اشوف انسان إمعه يعنى بيقلد وخلاص

بكره اليأس

بكره اوى ان حد يفكرنى متكبرة اوى مغرورة هيا بتبقى ثقه فى النفس مش اكتر

وبضايق اوى لما احس انى مهمشة بس مش بكره حد لانى مبعرفش اكه ممكن اخاصم شويه اضايق شويه لكن مش بكره الحمد لله

اكتر ست حاجات بتحبها؟

بابا وماما واخواتى

بحب اصحابى اوى اوى

عندى دبدوب صغنن كده بموت فيه وبحبه اوى

بحب احس انى حرة (بس طبعا فى حدود الادب والدين)

بحب اقرأ فى اى حاجه ممكن تفيدنى او تسلينى

بحب عالم الاطفال جداااااااا

شخصيتك نوعها ايه؟

مممممممممم.....سؤال صعب,انا شخصيتى الحمد لله كويسة نوعا ما ....يعنى بقدر اتحكم فى تصرفاتى بقدر الحمد لله اجبر اللى قدامى يحترمنى وطبعا شخصيتى اتأثرت بحاجات كتير حوليا وكل يوم بتتأثر بالمحيط

لماذا دخلت عالم التدوين؟

كانت واحد صحبتى اتعرفت عليها بالصدفه على الميل ولما شوفت مدونتها وروحت اتمشيت فى شويه مدونات كده عجبتنى الفكرة فعملتها بس بعد كده حسيت ان التدوين بيخلينى اخرج اللى جوايا ولما بدأت التدوين حسيت نفسى بثق فى نفسى اكتر وبتعلم حااجات كتيرة بتفيدنى ....ولكن مازال هدفى من التدوين انه عالمى التانى اللى بلاقى فيه نفسى

اجمل كلمة قالت لك فى وصف مدونتك؟

اى تعليق بحسه بيبقى فيه تشجيع ليا وببقى مبسوطة اوى لما حد بيدينى نصحيه

يعنى فى بدايه التدوين عاشقه وغلبانه ادتنى شويه نصايح لحد انهاردة انا بعمل بيها واى تشجيع اوى اى كلمه كويسة انا بعتز بيها جدا

اهمية التعليق بالنسبة ليك؟

بعتز بكل كلمة فيها وبعتبرها دافع ليا عشان اتقدم حتى ولو كان فيها نقد

احسن بوست كتبته؟وضع اللينك

ليله باردة(http://bokraa7ala.blogspot.com/2009/03/blog-post_14.html كتبته فى يوم كان القمر شكله جميل اوى وفعلا حسيته بيبصلى وفضلت ابص له كتير اوى واتكلمت معاه كمان وكنت بتخيل ردوده كنت حاسة انى فى عالم تانى

ونظرة...هى البدايهه(http://bokraa7ala.blogspot.com/2009/01/blog-post_23.html )والقصة دى كمان حبيتها اوى

معلش كتبت اللينك كله لانى مش بعرف اعملهم ى بعض

وكمان بوست حوار بيبنى وبينى(http://elsllam.blogspot.com/2009/03/blog-post.html ) ارتحت اوى لما كتبته لانى بعد البوست ده صالحت نفسى

افضل بوست قرأته؟وافضل مدونة؟

اى بوست بيبقى منه هدف او ببقى فيه رومانسيه

يعنى بسمة صلاح مدونتها بتحسسنى ببرائه جميلة اوى,وايمان روحى مدونتها بحس فيها بشئ من الجمال بيريحنى جدا,وشوشو هانم بحسها دلوعه كدة وكميلة ,ومدونه احساس طفلة محبة للرومانسية مدونة قمه فى الرومانسية وعاشقه وغلبانة وكياراا وبنات افكارى وبنوتة لاسعه ,واعترافات قلب وبيعجبنى اللوك الغربى فى مدونة eyad ومدونة مجنوووون ورياح الحنين وعاشقه وغلبانة وكيارا وماما اموله والبت المشمشية مدونتها دمها خفيف اوى وفيها برائه جميلة وكاتب مصرى وكوووووووووول المدونات اللى فى القايمة عندى مدونات بحبها وبحب اتابعها

الانترنت بالنسبة ليك ايه؟

دة إدماااااااااان ....انا لوله الملامة امشى بالنت علطول......ربنا يتوب عليا منه واعرف اتعالج لحسن انا بقيت حالة ميؤوس منها

تمرر التاج لمين؟

بسمة صلاح

اوايمان روحى

وشوشو هانم

eyad

وشيمو القمر

ورياح الحنين

,joudy

اسفه الاجابات كانت طويلة بس برضو الاسئله كتيرة واسئله دسمة اعمل ايه يعنى؟؟؟؟

باقى 60 يووووووووم

ازيكمممممممممممممممممم

وحشتوووووووووووووووووونى

وجيت اقولكم انا جيييييييييييييييت

ايوة سمعاكم فى ناس بتقول البت دى راحت ف ايه وجات ف ايه اللى عايز ييعرف يروح المدونة التانيه بقى ....

المهم انى رجعت بعد ان هدانى ربى للصواب الحمد لله يارب......انا جاية وانا كلى اسى اسى واسى واسى يخيم على المكان ........اصل باقى 60 يوم على امتحاناتى , امتحاناتى وامتحانات طلاب الثانوى ...اى والله ستين يوم سمعاكم ياللى بتقولى قومى زاكرى انتى فاضيه للمدونة بصو بقى انا مش هسيب المدونة بالنسبة للمذاكرة ........يعنى......المدونة هتبقى كل جمعه ااما المذاكرة هتبقى كل يوم وبعدين اصلا انا مش بذاكر غير بالليل مع كوبايه القهوة كده بس حاليا كوفى مكس اصل القهوة خلصت .....وبعدين نيجى للنقطة التانية وهيا الاهم انا اتعقدت من المذااكرة السنة اللى فاتت كنت بذاكر وكنت مطحونة فى المذاكرة وبذاكر وبسهر اذاكر وف الاخر نتيجه زى الزفت نتيجه تكسف لما تبقى الامتحانات بالشكل ده والنتايج كلها بالشكل دة يبقى حال الطلبه ايه والله الدفعه دى جالها احباط رهيييييب كنا طول السنة اللى فاتت يتهيقلك ان العيال دى هتجيب 100ف100 وتيجى تبص تلاقى محدش جايب فوق ال85 والله حاجه تغيظ بس هنعمل ايه حسبنا الله ونعم الوكيل

المهم بقى انا بحكيلكم الحكاية دى ليه ........عشان انا وعلى بنعتذر اننا مش هنكمل حكاية على بس انا وبالنياب عن السادة الطلبه المطحونين طلبه الثانويه نطالب حضراتكم بالدعاء ......الدعاء يا سادة الهى يعدلك ف صحتك وعافيتك ودعوة بسيطة من قلبك تمنع عنك بلاوى كتير ممكن تضرك

والى هنا ساتوقف لاشترى واحد كانز واتنين كوفى مكس وبعدين اروح اذاكر

سلامو عليكو

رساله اخيرة

http://bokraa7ala.blogspot.com/

فى اللينك دة رسالتى الاخيرة

بحبكم اووووى

اه وبالنسبه لعلى واهله لو ربنا اراد انى ارجع هكملها انشاء الله

مع السلامة يا اغلى ناس

بعبع الثانويه-2-

ازيكم
نبدأ بقى

راح على الدرس وهناك قابل صاحبه ابراهيم اللى بفضفض معاه وبيحكيلو عن الغلب اللى هو فيه.....عدت الايام وخلصت امتحانات الاعداديه ومن يوم ما خلصت لحد ما بانت والاب والام على اعصابهم "وعلى"عارف انه هيدخل الثانوى وانها مش مستاهله القلق ده كله بس اهو كان بيشاركوا اهله الغلابه اللى يياعينى عليهم شايلين الطاجن ومطلعينوا على الوادا
ويوم النتيجه............
"على" دخل البيت لقى ابوه قاعد مستنيه
الاب:انت شرفت ...اهلا بيك يارافع راسى ((بيتريق طبعا))
على بإسبهلال:خير يابابا فى حاجه؟؟؟
الاب:وليك عين تتكلم قرب شوف عملت ايه فى النتيجه يافالح
على:ايه ده هيا بانت !!.....ها خير
الاب:ابن محسن جاب اعلى منك يا خايب وهيدخل الثانوى راسه مرفوعه ورافع راس ابوه......بقى الجدع الغتت دة يبقى احسن منى لاء وليه عشان حضرتك مقضى السنه لعب
لعب ايه يا ابو لعب هو الواد مش كان مطحون وانت واقف على دماغه.....يا شيخ ارحم ....
ماعلينا خلينا فى الموضوع ورجعالكم تانى
على:يعنى ايه؟؟....مش هدخل الثانوى........هو انا جبت كام؟؟؟؟؟؟؟؟؟؟؟؟؟؟؟؟
الواد ياعينى عليه اصابه القلق وانتابته حالات غريبه وعديده فى نفس ذات الوقت وبنطلونه ياعينى اتبل ..مهو خايف ياترى ابوه هيعمل فيه ايه
الاب:خد شوف يا خايب ...خد إلاهى تاخد ف سنانك
على:هيييييييييييييييييييييييييييييييييييه(تنهيده كبيرة)........الحمد لله هدخل الثانوى اهو
الاب:ما انا عارف بس ابن محسن جاب اعلى منك بخمس درجات........راضى عن نفسك حضرتك
على:الحمد لله يباباالمهم انى هدخل الثانوى وهبقى اعوضها انشاء الله <فى سره>سيبنى سيبنى بقى اروح اغير البنطلون اللى نقع ده .....ربنا يسامحك ياشيخ
على يتابع:بعد إذنك ياباباذخل قودتى
الاب:اتفضل يا اخويا....اتنيل اخفى من قدامى
دخل على وهو بيرطم بكلام مش مفهوم وهو باين عليه مخنووووووووق اووووووووووى
يله معلش ياعلى
طبعا بتسألوا فين دور الام
لالالالالالا الام كان ليها دور فعال جدا الام كانت مسؤوله عن المؤثرات الصوتيه وعماله تندب حظها وتقوم الراجل على الواد وتقول بقى ابن عصمت يجيب اعلى من ابنى ليه اودى وشى من زمايلى فينيالهوووووى ياخراااااابى اكيد متخيلين الباقى
نكمل بقى
صاحبنا قضى اجازته بسلاموف شهر8 بدأت الدروسوراح يقدم عند المدرسين علشان يبدء السنه صح ومن اول يوم وهو عارف ان مهمته صعبه
عدى شهر والتانى والتالت والرابعوهو بيعمل اللى عليه بس برده الضغط عليهكبير اصلهم 10 مواد هيعمل ايه يعنى ......ربنا يعينه هو عارف ان ف اولى ثانوى المهم ينجح ويعدى لكن احاج والده والسيده حرمه مش عارفين دة او بمعنى اصح مش مقدرينه معلش يا"على"
وزى ما حصل يوم نتيجه الاعداديه كان وزياده شويه يوم نتيجه اولى ثانوى
ربنا يصبر على واللى زيه وميتعقدش ف السنتين اللى جايين ..................
الاسبوع القادم لنا لقاء اخر مع "على"وعائلته الكريمة (التى هى سبب معاناته)
ملحوظه على كنب كته_-_ادعووووووووووولى ,هذا وإلا سأتخد الإجرائات الازمة حسب القوانين المرفقه مع المدونة وصاحبتها
و........سلااااااااااااامو عليكوووووووووو

بعبع الثانويه -1-

وانا قاعده كدة انبارح بشرب كوبايه القهوة.....اه مانا مش مبشرب القهوة غير فى الكوبايه..........المهم بقى
وانا بشرب كوبايه القهوة وانا بذاكر بصراحه صعب عليا نفسى اوى اهئ اهئ اهئ,قولت ليه بس وجع الدماغ والقلب والفشة والكليه و......و.....و......اكيد زى ما انا مطحونة كده فى غيرى كتير مطحونين ومكافحين ضد هذا العوووو

خطر ببالى اعرض عليكم حياة واحد من طلاب الثانوى لعلى وعسى تدعولنا....
بدات الحكايه لما كان الولد "على"فى الصف التالت الاعدادى كالأتى:
الأب:بص يا "على " انت لازم تذاكر وتشد حليك يا ابنى علشان تجيب مجموع ثانوى
على: حاضر يا بابا انشاء الله
الاب:انت عارف لو مجبتش المجموع اللى هيدخلك ثانوى والله لتقعد من المدرسة
على:انشاء الله يا بابا........ادعيلى
الأب:ربنا يوفقك يا ابنى بس مش عايز ابن الجدع جارنا محسن الغتت يجيب اعلى منك

وهنا تتدخل الام فى الحوار

الأم :واد يا على احنا تعبانين وشقيانين علشانك علشان ترفع راسنا....مش عايزة ابن عصمت زميلتى فى الشغل يجيب اعلى منك..اه اومال ايه
على:حاضر يا امى بإذن الله ....ادعيلى
الأب:قوم بقى يا ابنى كمل مذاكرة...اديك ريحت شويه اهو

ويا عينى عليك يا "على"الشويه اللى قعد يريح فيهم اموه وابوه كلوله ودانه........معلش يا على
وفى يوم كان صاحبنا نايم فى امان الله واذ فجأتن........

الأب:واد يا "على" انت لسه نايمقوم صلى الفجر وذاكر باقى على الامتحان3شهور قوم ياله
على ف سره:3شهور 3وعامل فيا كدة وانا لسه ف الاعداديه اومال فى الثانوى هتعمل فيا ايه.....حاضر يا بابا انا خلاص صحيت.
صحى "على" وذاكر وهو بيكب وينام بس اهو ذاكرله كلمتين وريح الراجل التعبان وقام علشا يروح الدرس ....بيبقى مبسوط اوى وهوا خارج من البيت اهو بيغير وشوش وجو..........

معلش يا جماعه الكيبورد رفضت تكمل وقالتلى قومى ذاكرى ......انتظرونى الاسبوع القادم مع الجزء الثانى من بعبع الثانويه ......كانت معكم احدى ضحايا هذه الثانويه
سلامو عليكو

حوار بينى وبينى

البوست اللى فات كنت قولت انى ودعت الحزن فى البوست دة بقى هقول ليه..........

************* ************** ************

مرة من المرات اللى ببقى تايهة فيها................

فى يوم من الايام اللى بكون مخنوقه فيها..............

فى ساعه من السعات اللى دمعتى بتبقى محبوسه جوايا فيها..........

سمعت صوت , اتخضيت دورت على مصدر الصوت قولت :ن؟....انتى فمين؟...انتى ميين؟...

قالت: انا هنا....جواكى ....شوفينى ...هتلاقينى ...انا انتى انا نفسك

قولت: نفسى ...وعايزة منى ايه دلوقتى سبينى فى حالى

قالت: اسبك...انتى انا لو سبتك هضيعى وضيعينى معاكى

قولت :وعايزة ايه منى دلوقتى؟

قالت: عايزة اعرف مالك مش انتى الانسان الجميل اللى كنت جواه ......فين الضحكة اللى كانت بتسمع الدنيا.؟..........فين الشقاوةاللى بتفرح الدنيا؟...دة كله راح فين؟

سكت وسرحت فى الكلام مش عارفة ارد

قالت: ايه سكتى ليه؟!هترجعى تسكتى وتسبينى تانى؟!فهمينى مالك؟!

قولت: بدور على اجابات لأسئلتك اللى حيرتنى وحيرتك ......مش عارفة,الضحكة تاهت ,والشقاوة ماتت .....مش عارفة ليه؟؟!!الحزن عرف طريقى منين ؟وليه مش عايز يسبنى ........ليه؟

قالت:انتى .....انتى اللى مش عايزة تسيبى الحزن مش هو

قولت: ازاى؟!!......انا!

قالت: انتى اللى قتلتى شقاوتك وضيعتى ضحكتك ........تقدرى تقولى انتى ليه حزينة

قولت: حزينة!!!.....مش عارفة........ممكن علشان........تفتكرى فى حاجه فى الدنيا دى تفرح من اصغر لاكبر حاجه فيها .....

قالت: صلحى نفسك الاول متعيبيش على الدنيا وانتى جزء منها يعنى اللى فيها فيكى .....فكرى صح بوصيلها من ناحية تانية ...ليه دايما انتى واللى زيك شايفينها سودة اكيد فيها الابيض ......بصى كويس

قولت: ابص!!......ناحية بيضة!!....بس الوحش دة الناحية السودة هنعمل فيها ايه؟!؟!!!

قالت: مش قولت لك ابدئى بنفسك الاول ........انتى مرة قولتيلى انك نفسك تبقى حاجة

قولت: اه ......نفسى

قالت: خلاص ابدئى من هنا بس ابدئى صح

قولت: ازاى؟

قالت: اولا- انسى الحزن ولا اقولك اقتليه خالص

ثانيا- اتقى الله فى دينك ودنياك واهلك

ثالثا-حددى هدفك صح وركزى للوصول اليه

رابعا بقى ودى الاهم اضحكى دة انتى اسمك بسمة يا شيخة

قولت: هههههههههههه (وش مبتسم)

قالت : ايوة كدة وانتى انشاء الله..........ايه رايحه فين ؟

قولت وانا مقتنعة بالكلام : هروح ابدء صح علشان اعيش صح........والحق نفسى والحقك

************** ************ *************

دة كان حواربينى وبينى

نفسى كلنا نخلع النظارة السودة اللى على عنينا دى علشان نشوف الدنيا بيضة .......ليه لاء يعنى ...فيها ايهيعنى

جربوا معايا مش ممكن فعلا تكون الدنيا بيضا واحنا مش شايفين

انا رغاية صح .........كفايه كدة وسلام عليكو