ياريتنى ما جيييييييت

بما انى فى ثانوى وشهادة ومفيش اعمال سنة فمش بنروح المدرسة وفى يوم ندهوا علينا فى المكروفينات زى الاموات بالزبط وقالو اللى مش هتيجى المدرسة هتتفصل لان فى لجنة جاية من الوزارة وكده يعنى ةبما انى اتفصلت قبل كده فاضطريت اروح آآآآآآآآآآآسفه روحت اول الاسبوع وكله كان تمام اول يوم وتانى يوم وعدى الاسبوع وفى نهايته روحت بالبنطلون الجينس عدى يوم والتانى ومحدش قالى حاجه قولت تمام يبقى لاخر الاسبوع نقديها جينس ,.... بس لحظى المنيل اروح اخر الاسبوع الاقى نص المدرسة لابسين جينس يانهاااااااار جييييينس وكان دة يوم بقى ايه منتهى اللطافه من اوله بلمسة ايد ماما الحنينه وهى بتصحينى تسلم ايدك يا أمى المهم روحت المدرسة وشوفت اللون الجينساوى اللى اتسبغت بيه يبقى الاخصائيه هتصتادنى هتصتادنى ولا مفر وانا طالعه حاولت استخبى فى البنات لاء على مين لقيت اللى بتقولى تعالى يا حبيبتى تعالى انتى يا ام جينس هنا ............وجاء سياده المدير مكشرا عن انيابه ومعه السيده فوزيه رزيه (اخصائيه) الوكيل قال واحده تجيب ورقه وقلم عشان يسجل اسمائنا واللى هتكرر الموقف دة هتجيب ولى امرها معاها وطبعا محدش عبره قال بقى كده طيب يلا روحى حالا العيال كشت فى بعضها وطلعم الورقه والقلم ولسه الاخصائية بتكتب الاسماء وإذ فجأتن...........تليفونى بيرن انا قولت انه نهار مش معدى من اوله اخبط فى الشنطة برجلى اسكت ياحج ياعم اخرس بس وليه لقيت اللى بيقولى وتليفون كمان الله الله طلعى يا حلوة ةخد منى التليفون عااااااااااا وخدوا اسمى كمان عااااااااااااهييييييييين بقوله خلاص اطلع انا بقى بعد دة كله قالى لالالالا انتى حكايتك حكايه خليكى معانا شويه .......يالهووووووووى هيعملوا فيا ايه بس الابله الطيوبه قالتلى انتى جايبه معاكى التليفون ليه يا حبيبتى رديت وكلى برائه انا اسفه يا ابله بس انا عندى 3دروس بعد المدرسة وبسافر ومامتى بتبقى قلقانه عليا فلازم يبقى معايا

-طيب ومقفلتهوش ليه؟

-كنت هقفله لما اطلع

-مهو رن اهو

-ما انا كان زمانى فوق وكان زمانه مقفول ومكنش رن من اصله واغرورقت عيناى بالدموع

- طب يا بسومة اطلعى وميتكررش الموقف دة انا عارفه انك محترمة

وعدى الموقف ده بسلام وطلعت الفصل جيت ادخل الفصل الابله بنت الناس السكرة قالتلى انتى ايه اللى جايبك متأخر خليكى برة لما الحصه تخلص ومتحضريش حصتى .......يالهووووووووى يااااااانى وآآآآآآآدى اول حصه بخ .....دخلت بعد الحصة وقضينا حصه واتنين وفى التالته ليه وليه البنت بتقولى هاتى قلم لقيت اللى بيبصلى ويقولى قومى اقفى انتى بتعملى ايه ورصهوملى تمام التمام وقالى اطلعى برة الفصل مهى مش فارقه رديت عليه قولتله استنى بقى ثوانى هات البت دى معايا اومال هقضيها لوحدى........ ونزلنا الحوش روحنا شربنا كانز وفطرنا وسمعنا شويه اغانى كده لحد ما الحصه خلصت

وحلفت ما اطلع الفصل اليوم دة خاااااااااااالص مهو باين من اوله وقولت يارتنى ما جيييييييييييييييييت